第一跑

「去跑跑步吧~ 」抽起條筋, 上網看了些關於跑鞋的, 選了好了合自己的扁平足的鞋款 (美津濃 Nexus 4), 便去跑了...

自出娘胎都來沒有真的去跑過步的我 (追巴士不算跑步吧 ?), 憑著踩單車練回來的心肺功能跑了2.47 公里... 好像還可以啊~當晚, 原本應該踩車回媽家去探探老媽, 我改為跑步回去了, 路程是 3.28 公里... 心想... 誰說肥仔不能跑步 ? 飯後, 因為跑了六公里路, 有點累, 就在沙發睡著了...

晚上大概十一二點...醒來...大件事了...大腿的肌肉痛到像被人痛毆三日三夜後一樣... 啊... 大概是因為踩單車用練的肌肉組不同於跑步用的吧... 似乎是因為心肺比肌肉好的關系... 我跑過龍了....痛到返唔到屋企...唯有在媽家睡了 =.=

在 Windows 使用 adb shell 的問題

Android 用家們, 您們有沒有發覺在Linux 時用 adb shell 用得很爽, 但來到 Windows 時就全部出晒 Esc characters /火星文 ? 原因很簡單, Windows 的 Command prompt 不支援彩色 shell... 所只唯有這樣 :

#alias ls='ls --color=never'

整容前:

整容後:

牛牯嶺探路

兩條友, 兩部單車, 一場大霧, 一條行山徑, 登高 360 米
呢條路由於實在唔係太o岩休閒單車踩 (路太斜), 所以其實好少車有提起呢條路.
牛牯嶺行山徑o既盡頭連接住林村郊野公園. 踩到上去然後點做 ? 合法地返轉頭
定非法地穿過郊野公園由和合石路出返來 ? 非法o既事當然唔鼓吹啦 ! :-P

廢話少說, 先去圖



由林錦迴旋處進入林錦公路


轉入林村鄉公所路, 路口會有兩個「愛丁堡公爵訓練營」的牌. 很易認~


過了愛丁堡的停車場後, 來到這個路口轉右就開始上山囉

iTunes play count 小統計

我的 iTunes play count .... 很古怪的分佈.... 頭六七位是很狂的 play count... 然後 drop 得很快...到第十四五位已經是六十幾和三十幾了...打後的幾百首歌都是大概 12~25 次 play count 左右... 一萬打後的已經全部是 2 以下了.

去到第 21330 track 打後到最尾, 已經全部是 0 play count... 一次都沒在 iTunes 完整播晒全首歌....

將頭 15 位 cap 出來 : 次數 / 歌名 (手打 comment)
1039 / 洋蔥 (楊宗緯)
981 / 珊瑚海
925 / 說好了的幸福呢
720 / 如果我是陳奕迅
718 / 粵語殘片 (爭 2 次咋..)
544 / 男人心 (...............老餅..)
317 / 傻瓜
221 / Fragile
209 / 月亮說團圓 (月亮說 Remix)
116 / Paparazzi
92 / Bay Day(Live In France)
80 / 心願便利貼
80 / When You're Gone
68 / Best of Me
30 / I’M YOURS

Google map update 了 ?

一直以來, google map Satellite上的香港迪士尼都是一片爛地, 不知什麼時候 Google Maps 原來已經更新了. 就連後來開幕的小小世界都有了. 另外科學園一帶亦更新了.

不知道 Google 會不會出一個小玩意, 可以讓 user 對比新舊 Satellite image 呢 ?

不自量力學人上和合石

今日放假, 晨早四點起左身唔知做咩好...沖個涼, 上左陣網, 見天未光但又唔太凍, 原本想去海下走返轉, me me 摩摩, 成七點幾先由粉嶺出門口...去到科學園..諗諗下..唔對路喎, 一陣去到西沙, o岩o岩好返工時間...車多危險... 於是改為科學園 5 圈 ( av 29.7.. 唔忿氣諗住出力d 爆多圈可以 av 過 30.. 結果得返 29.2 =.= 囧...)

太陽出左, 吐公好大霧...好似愈光反而愈凍 (唔知係因為真係凍左定因為停左陣車整個鞋碼...) 原本想走多轉鹿頸先返歸的計劃都因為怕凍放棄左... 一路行大窩西返屋企....行行下諗...不如入和記走轉都好喎...

一轉左入去橋頭路, 輕鬆小斜, 過左閘口, 路開始比較斜, 同時地...架車唔知發咩癲上唔到大飛輪, 佢又有 2 個迫車減速的"駁"...攪到我好狼狽... (甩 lock 又唔係, 出力踏又唔係好夠力...) 結果強行搖上去... 我想講, 單師兄見到o個個 1:10 牌係講橋頭路落返華明村o個條路先係 1:10... 閘口上o個條一定唔只 1:10

上完閘口最甘o個段後, 如單師兄講, 大概係鹿頸咁上下...(加上終於上到大飛輪...=.=) 慢慢踩上去, 唔算太難
去到二段, 用 53t 拖25t 已經上唔到... 轉細餅力撐... 好明顯, 呢段已經比海下吃力好多....
終於到左第三段....39t 拖 25t 都好好好好吃力.....當時覺得自己好似係死命掙扎緊咁...

霧很大, 濕度又高, 汗如雨下之餘仲要冇景可睇... 終於上到頂啦...feel 到自己的腳在震....落斜不敢太快...一來腳震..二來大霧, 三來個人已經散晒了...
終於平安返到屋企...

結論係 : 晌再升多兩個呢之前, 打死都唔會再用 RB 上和記...要上..就拎 MTB 上.....

初試 SPD lock 踏騎行 100 公里後小小感想 / 心得

其實LOOK (三角 lock) 才是正宗的 roadbike 用 lock 踏啦. SPD 原來是給 MTB 用的
比起 SPD, LOOK接觸面大, 而且虛位比較少. 但問題係一來價錢比較貴, 二來穿上了三角lock 的鞋後, 就像穿了一雙沒跟的高跟鞋一樣難行... 只怕未推到架車出馬路已經仆死左... 所以左前思後想過後, 最終都係選左 SPD...





除左價錢平, SPD 另一個好處係就易上 lock同易甩 lock. 既然又唔係打算用來參加比賽亦唔需要同人鬥快, SPD 已經好夠用了

試用 100 公里後 (路線 1 沙頭角公路 > 新娘潭路 > 大尾篤 > 大埔公路 > 大窩西支路), (路線 2 大窩西支路 > 林錦公路 > 青山公路) 得以下心得 :

- lock 踏可較鬆緊, 新手要先由鬆開始試用 (以免需要甩 lock 時甩唔到)
- 負責任的單車舖晌賣左 lock 踏 lock 鞋俾你後, 收晒錢都會捉住你唔俾你走, 要你晌門口練到熟先放人
- 「正常腳」應該是先上右腳, 起步行順後才將左腳鎖上. 停車前要預早掙脫左腳的 lock
- 小心不要甩了左腳的鎖後向右跌....
- 將腳踏踩到落六點鐘方向時, 甩 lock比較易
- 人多, 車多或慢車的情況下不應上鎖
- 續上項, 有時明知車慢, 腳虛放在踏上都會咁o岩卡到然後不知不覺給鎖上了. 要小心 (尤其初時 lock set 得鬆時, 上鎖不會有好大的 click 一聲..會唔 notice..)

六舊水的一個小 upgrade (三百幾蚊對鞋, 二百幾蚊對踏) 相當物有所值. 上 lock 後即時已經感覺到 cruising 速度有明顯提升. 而且左右腳出力平均了, 也開始鍛鍊到平時用普通踏鍛鍊唔到的肌肉. 更重要的, 是走長途沒有了以前常發生的腳趾麻痺感覺.

Acer Liquid 使用 24 小時後的小review

(在 Facebook 的看倌們, 如果看不到圖可直接 click 上面的 link 看原版~)

我啊, 在沒有很認真做過 research 的情況下決定了買這台機. 原因嘛...其實一直都想要用Android 手機, 問題是一直出來出去都是 QVGA 或 HVGA 的 resolution... 自己用慣了 VGA 的 Windows Mobile, 不想花了錢反而 downgrade 自己的手機, 所以一直都沒換...

直至一日看到這個手機的報導 - 好醜的手機... 還要是Acer 的出品. 幾乎沒想 click 入去看內文... 最後是看在 snapdragon (最新的手機 CPU) 的份上才 click 入去看... 不看由自可...一看就出事了... 很吸引的 Spec 啊... WVGA screen, 768 mhz 的 snapdragon, 7.2m hspa... 然後同日就在旺角見到有了...索價 3380... 好便宜... 1010 用戶還可以免加約 95 折, 或加約 $880 出機... 因為約未滿, 只好用 $3380 * 0.95 的價錢敗下手機...

[圖1]

比起網上看到的圖 (都拍得很醜...), 實物拿上手的手感其實不錯, 機很輕, 很薄, screen 很大~

[圖2]

WVGA的威力~ 好細緻, 好 sharp, 背光又好夠光, 好滿意~

電話基本功能都很好. ringtone 和通語音量都很夠, 也不會有 WM 打電話按鍵遲滯的感覺~

電話表面一個按鍵都沒有, 全用 touch screen 操作. 但沒有不愉快的經歷 (以前用WM 總會有電話發呆的情況, 然而要怒按「收線制」部機先郁返...)

Touch screen 用上了電容 screen, 原本是個高級的東西. 但對我這種肥手指少年來說實在是..需要花多點時間才可以習慣...

[圖3]

超貼心的設計. 跟機附送的是一個最基本的袋袋, 將手機直插入袋後, 仍然可以看到機頂的幾個指示燈. 燈有三個, 分別是 Missed call 燈 (miss 了 call 會著 -- 廢話), message 燈 (email, sms, MSN, gtalk 等) 和電池燈. 這個小功能對我來說是一個大驚喜啊. 晌指示燈旁o既係 3.5mm 耳機 jack.. (終止唔駛再受 HTC 的 USB 耳機 jack 的氣啦 !!!)

[圖4]

SD 位俾電池頂著... 換 SD 要拆電耶... 不爽...

電池是 1350mah 的, 對於這種牛__咁大個 WVGA芒的電話來說, 可能會有點少吧 (也可能是這個原因 Acer 將 Snapdragon 由 1ghz down clock 到 768mhz ?!) ? 不過沒關系, 我早已用慣了每天要叉兩次電的 VGA Windows Mobile, 沒問題的 .\_/.!

講完機身/hardware, 要講下 software 啦... Liquid 用o既係冬甩 (Android 1.6) 原裝的 UI, 相比起 HTC Sense 或者其他 UI, 原裝 UI 雖然冇晒d花俏野, 但用起來就更輕巧. (反正以前我用 WM 時也將 TouchFLO 3D disable 掉用回WM6.1 的原裝 UI). 同我對上兩三部 WM 一樣, 新機一插好 SIM 於有得上網就可以立即 sync 返晒 D address book 落手機. 唔會有任何一刻同人失去聯絡. Google 的手機整合 google 的服務簡直是天衣無縫的感覺. 新機一 login 你的 google account, 所有野都已經立即 sync 晒落o黎... contact, tasks, calendar, email 甚至 browsing preference, browsing history, bookmark 等等都已經齊晒. 跟返足你晌 desktop 時o既個人習慣...唔駛好似 WM 咁咩都要由頭 set 一大餐.. 第一次用 Android 手機, 這是一個很好的體驗 (WM 仲有排都唔駛旨意追到人... 就算係新出o既 WM6.5 都同 Android 1.6 有好大o既距離... 更唔好話同 Android 2.x 比)

對我來講, 用 Android 前的另一個 concern 係 apps... 會唔會好少呢 ? (始終 Android 由 1.0 到而家都只係一年左右貨仔). 一入到 "Market" (Android download apps 的地方)... 哇...花多眼亂..應有盡有...用 WM 時我從來都唔開 WiFi 的 (大把 data, 個個月都用唔晒). 但一睇到 Android 的 Market... 立即笠水...開個 WiFi 先...太多野好玩...太多野想試... data 會唔夠用啊...

講返轉頭. 一早開始用緊 Android o既人好多, 睇到我對上 2 段會覺得我好大鄉里... 所以都係講返 Acer Liquid 本身... 768mhz 的 snapdragon 真係好爽, 拎返之前的 HTC Touch Pro 來比... Touch Pro 用的是MSM7201A 528Mhz, clock speed 來講其實唔係慢 Liquid 好多. 但真係完全兩個感覺... screen rotate 零 delay, UI 操作零 delay, 開機時間 (包括 load 齊所有 widgets, 我真係 load 滿五版 widgets 架 !) 25 秒以內. 唔好話 WM, 連 S60 都做唔到咁快... 而且機開好左之後真係可以立即用, 而唔會好似舊屎部 WM 咁開好機後仲有兩三分鐘呆呆滯滯唔知晌度 load 緊乜...

不過呢. 的而且確, 呢部係一部名牌 Acer 出o既手機, 按照佢o地o既傳統, 一定會留少少不解之迷比d 用家挑戰下自己的. Acer Liquid 大家去 google search 一下, 好多人都裝唔到佢個 USB Driver, 即係唔可以由USB 抄野入機/SD... 要 monk 張卡出來抄野... (所以我上面有提過電池頂卡呢個問題..)... Acer 選擇左唔用人人都用緊o既 USB Mass Storage driver... 而係整左個 Acer HSUSB interface 來連電腦... 其實 Android SDK 入便係有 HSUSB driver 的. 但無論如何都係裝唔到上去. Google Group 有人問, 有人答左個方法 (改 inf 的 VID/PID), 然後有人試左話得, 亦有人話唔得.. 非常古怪...

有人係加左以下兩行之後得左

%SingleAdbInterface% = USB_Install, USB\VID_0502&PID_3202
%CompositeAdbInterface% = USB_Install, USB\VID_0502&PID_3202&MI_01

有人要加以下五行先得

%SingleBootLoaderInterface% = USB_Install, USB\VID_0502&PID_3201
%SingleBootLoaderInterface% = USB_Install, USB\VID_0502&PID_3202&MI_00
%SingleAdbInterface% = USB_Install, USB\VID_0502&PID_3202&MI_01
%CompositeAdbInterface% = USB_Install, USB\VID_0502&PID_3202&MI_02
%CompositeAdbInterface% = USB_Install, USB\VID_0502&PID_3202&MI_03

而我呢...就兩行五行都唔得.... 茶飯不思都試左半日後, 踩入 device manager 度睇返隻野個 VID / PID, 原來又唔同的 ! 人o地係 3202 或者 3201... 我係 3203, 結果改返晒 D PID 之後就得左啦 !! 頂... Acer 點解可以出到水水機 PID 唔同的 ? 唔通同樣o既 driver 佢打算分關出美洲版, 歐洲版同亞洲版 ? 最可惡o既係, Acer 跟本冇提供 Driver. 說明書/官網上教人如果要抄野入SD, 就要熄機拆電拔 SD... 好惡劣啊...

review 先寫到呢度啦...用落再有咩特別野先再寫吧... 不過 overall 呢部野 $3380 (仲有九五拆) 加上 trade 埋部舊 HTC 千鬆 D 蚊就落到樓, 算超值.

Air Zound 風"安" - 地上最大聲的單車用呠呠

實在沒有辦法了, 每天踩單車返工, 粉嶺的單車徑早上總會有d 阿毛在上面晨操 (最過份的一個會在單車徑玩倒後行) 去到在石門永遠是有一群學生喜歡在單車徑行走 (因為行人路被太陽晒著). 晚上收工在大窩西偶然會被狗追, 回到粉嶺又多多人在單車徑上放狗... 娜娜那個可憐的叮叮俾人當佢傻仔一樣無視... 這筆錢是不能省的了....

於是敗了個 Air Zound 回來, 這東西自稱是地上最晌的單車用呠呠, 有 115 分貝

效果 :

呠路人 : 很大反應, 定神後會開口罵"駛唔駛咁大聲"

呠車 : 車子沒有表情, 但多數車的司機在定神後會反呠你...

呠惡狗 : 很有效, 完全可以擊退以時速 40kph 追著你單車的狗隻

呠放狗人 : 同呠路人大致相同

使用一般的美咀, 可以用平時給單車打氣的泵來充氣, 也可以去單車店或油站打氣~

氣瓶和喇叭本體

基建硬件花了大錢, 教育方面卻一點都沒有 (邊境禁區發展生態遊 擬建休閒旅舍單車徑 )

在頭條日報看到一則新聞和一張照片 :

邊境禁區發展生態遊 擬建休閒旅舍單車徑

http://news.hkheadline.com/dailynews/content_hk/2009/10/29/92594.asp

文中是說擬在禁區建單車徑供市民邊踩單車邊欣賞河套區的生態... 加插了一張假日的沙田單車徑相片 :

大家看了有什麼感想 ?

A: 好多美女

B: 好多美男

C: 好多單車

D: __那星丫...

很抱歉, 我選的是 D. 我們最痛恨的幾種情況全都出現在圖中...

(A)逆線行車 ，(B) S蛇形行車，(C) 并排行車，(D) 單車行上行人路，(E) 行人在單車徑行走

政府花了那麼多的錢擴建馬鞍山至屯門單車徑, 又要攪禁區單車遊. 但我本人就完全沒有見過政府在正確使用單車徑上作出多少宣傳和教育. 結果培育出一群會在單車徑逆線行車，蛇形行車，并排行車和忽然停車將車丟在路中心跑去買菠蘿冰的租車黨...